Gambas Documentation - Како се преведува Gambas проект

Како се преведува Gambas проект

За да преведете проект на вашиот јазик, отворете го во ИРО и кликнете на translate... во менито Project.

Ако ИРО се пожали на IDE msgmerge, проверете дали ви се инсталирани GNU gettext tools.

Translation Dialog

Потоа, одберете го јазикот на кој ќе преведувате од левата листа.

Ако преводот го нема на левата листа, кликнете го копчето New и одберете нов превод.

Ако треба да преведувате на јазик што не постои во дијалогот new translation, напишете ми и јас ќе го додадам.

Селектирајте непреведен стринг од табелата.

Select A String To Translate

Потоа, внесете го преводот во полето за текст на дното на дијалогот.

String Translation

Можете да означите дека стрингот не смее да се преведува со внесување на единечен знак за минус наместо превод на стрингот.

Повторувајте ја постапката додека не го преведете целиот проект. Кога ќе завршите, притиснете го копчето Close.

Проектот можете да го преведувате на повеќе наврати.

Можете да си играте со иконите на алатникот.

Toolbar

Одлево надесно, овие икони ви овозможуваат:

Да го избришете тековниот превод на стрингот.
Да го одбележите стрингот за да не се преведува.
Да го прекопирате преведениот во непреведениот стринг.
Да го проверите тековниот превод, при што се гледа дали е зачуван секој карактер од симболите.
Да го најдете наредниот непреведен стринг.
Да го најдете претходниот непреведен стринг.
Да барате даден текст во преведените, односно непреведените стрингови.

На дијалогот има и копчиња за други финкции:

Одлево надесно, овие копчиња ви овозможуваат:

Да вметнете нов превод во левата листа на јазици.
Повторно да го вчитате тековниот превот. Сите промени се губат.
Да го избришете тековниот преводот.
Да увезете и обедините датотека со превод во една.
Да го извесете тековниот превод во датотека.

Преводите автоматски се снимаат кога ќе го смените тековниот јазик или кога ќе го затворите дијалогот за преведување.

Резултатот на вашето преведување се зачувува во *.po што се наоѓа во .lang директориумот на проектот. Името на оваа датотека зависи од јазикот. На пример, францускиот превод би се викал fr.po.

Секогаш кога ќе направите нова верзија на вашиот проект, непреведените стрингови можат да се сменат. Но, не се грижете, преведените стрингови се зачувуваат.

Ако непреведениот стринг го снема, со него исчезнува и неговиот превод.
Ако се додаде непреведен стринг, тој добива празен превод.
Сите други непреведени стрингови ги задржуваат своите преводи.