Добре дојдовте во Gambas!

Gambas е слободна имплементација на графичка работна околина врз основа на BASIC интерпретер. Инспирирана е во голема мерка од Visual Basic и Java.

За повеќе информации погледнете на http://gambas.sourceforge.net

Важни забелешки

Пред да го преземете, компајлирате и да се пожалите на Gambas, ВНИМАТЕЛНО прочитајте ги следниве забелешки:

За компилација на Gambas (на стабилна или развојна верзија), морате да ги инсталирате следниве библиотеки:

И не заборавајте да ги инсталирате сите поврзани развојни пакети!

Обидете се секогаш да користите најнова верзија на овие библиотеки.

За да имате функционална развојна околина, морате да ги компајлирате компонентите gb.qt и gb.qt.ext.

Морате да сте овластени запишување во /tmp, инаку Gambas нема да работи.

Овој пакет е изработен со следниве верзии не GNU алатите:

• automake 1.9.4
• autoconf 2.59
• libtool 1.5.12 (оваа алатка не е задолжителна, бидејќи е приложена во пакетот)

Како се компајлира и инсталира Gambas?

Проверете ја инсталацијата

Прво, проверете дали сте ги инсталирале сите потребни библиотеки, а особено сите развојни пакети.

Конфигурација на пакетите со изворен код

Кога сте сигурни дека сѐ е инсталирано, внесете ги овие волшебни реченици на командната линија.

„$“ го претставува промптот на командната линија, а „...“ се пораките што се појавуваат за време на конфигурирањето и компилацијата.

Оваа команда создава скрипта за конфигурација. Ова треба да го направите само ако сте го презеле изворниот код од subversion репоситориумот. Ова не е потребно ако сте ја презеле tar.bz2 архивата со изворен код.

$ ./reconf-all

Ова команда го анализира системот и го конфигурира пакетот:

$ ./configure -C
...

Ако недостасува библиотека или развоен пакет, ќе бидете предупредени дека некои компоненти се оневозможени. За да дознаете што недостасува, морате да го прочитате целиот излез од конфигурацијата за да ги најдете линиите што почнуваат со „warning“.

Постојат повеќе специфични објаснувања за „configure“ во датотеката INSTALL. Ве поканувам да ја прочитате.

Компилација

Ако сѐ е конфигурирано без грешка, потоа извршете ја оваа команда за да ја компајлирате програмата:

$ make
...

Инсталација

Ако сѐ се компајлира без грешка, внесете ја следнава команда што ќе инсталира сѐ:

За да го инсталирате Gambas, морате да бидете root.

$ su -c "make install"
Password: <Овде внесете ја лозинката за root>
...

Откривање и решавање на проблеми

Ако сте извршиле неколку успешни компилации по, на пример, ажурирањето на изворниот код од subversion репозиториумот и ако нешто помине лошо за време на целиот процес, можете да се обидете да ги „реконфигурирате“ конфигурациските скрипти со внесување на следнава команда:

$ ./reconf

Потоа, повторно извршете ./configure.

Ако ова не успее, потребно ми е да знам што точно се случило. Во тој случај, внесете ја следнава команда:

$ ( ./configure; make; make install ) > output.txt 2>&1

И испратете ми ја по е-пошта датотеката „output.txt“, заедно со сите останати детали за вашиот компјутер и вашата дистрибуција за кои сметате дека се корисни.

Работење со Gambas

Ако сѐ поминало добро, внесете „gambas2“ за да ја активирате работната околина. Или „gambas3“ за развојната верзија.

Уживајте!

Како да се компајлира и инсталира Gambas за пакување во инсталациски пакет?

Морате да си поиграте со променливата prefix променливата на make при инсталацијата.

Компајлирате нормално:

$ cd gambas2-X.YY
$ ./configure
$ ./make

Потоа го инсталирате на локација различна од коренот на следниов начин:

$ make prefix=~/myroot

Со тоа ги добивате сите инсталирани Gambas датотеки, но во вашиот почетен директориум, во поддиректориумот myroot.